பரிட்சையில் பெயிலாவதற்கு பத்து யோசனைகள்

இந்த பதிவு எப்படியாவது பரிட்சையில் பெயிலாகி ஈன்ற தாயை பெருமைப்படுத்தி தந்தையின் வாயால் தண்டச்சோறு, தடிமாடு என்று புகலாரம் சூடும் உன்னத லட்சியம் கொண்டவர்களுக்காக.

இதற்கு இத்தனை மெனக்கெடுவானேன் பேசாமல் லீவு எடுக்க வேண்டியதுதானே என்று கேட்கும் முந்திரி கொட்டைகளுக்கு, எதை செய்யும் போதும் அதில் ஒரு சுவாரசியம் வேண்டும் அதுமட்டுமல்ல மற்றவர் கண்களுக்கு தெளிவாக நமது நோக்கம் தெரியக்கூடாது, விடைதாளை படிப்பவர்கள் இது விஷமமா அல்லது வடிகட்டிய முட்டாள்தனமா என்று குளம்ப வேண்டும்.

இந்த யோசனைகள் மிக கடினமானவை பாசாவதை விட இதற்கு அதிக உழைப்பை செலவிட வேண்டி வரும். யோசனைகளை பார்ப்போம்

1.)பரீட்சைக்கு முந்திய தினமே திட்டமிடல் தொடங்கிவிட வேண்டும். பள்ளி செல்வதற்கு உரிய பாதை எது என முடிவு செய்து விடவேண்டும், போகும் வழியில் எந்த பிள்ளையார் கோயிலும் இருக்க கூடாது. அவர் பாட்டுக்கு தெரியாத்தனமாக நமக்கு அருள் பாலித்து தாயின் கனவை கலைத்துவிட்டால். அம்மாவிடம் சொல்லி ஆரத்தி எடுத்து நெற்றியில் அரை இன்ச் நீள வீர திலகம் இட்டு தந்தை துடைத்து வைத்த சைக்கிள் எடுத்துக்கொண்டு கிளம்பவும்.

2.)விடைத்தாள் வாங்கிய உடன் முதலில் செய்ய வேண்டியது அய்யனார் துணை என்று எழுதி அரை பக்க அளவிற்கு அரிவாள் படம் வரையவும்.

3.)அடிக்கோடு மற்றும் ஹைலைட் செய்யும் பென்சில், ஸ்கேட்ச் போன்ற தேவையற்ற சாதனங்களை தூக்கி கிடாசவும். பக்கத்து டேபிளில் கூட யாரும் வைத்திருக்க விடக்கூடாது.

4.)இரப்பர் உபயோகபடுத்தக்கூடாது பேனா கொண்டு ஒருமுறைக்கு நான்கு முறை அடித்து திருத்தவும். பரீட்சை முடிய பத்து நிமிடம் இருக்கும் போது பத்து வார்த்தைக்கு ஒரு வார்த்தை விதம் அடித்து விடவும்.

5.)முடிந்த அளவு கையெழுத்து மோசமாக இருக்க வேண்டும், முடிந்தால் இடது கையில் எழுதவும்.

6.)அதிகமாக பயன்படுத்தும் ‘த்’, ‘ம்’, ’ன்’ அல்லது ‘a’, ‘e’, ‘i’ போன்ற ஏதாவது மூன்று எழுத்துக்களை தவிர்க்கவும்.

7.)சொற்றொடர் அமைக்கும் முறையில் சிறிது நவீன உக்திகளை கையாளவும்.

உதாரணமாக,

‘நாய் குரைத்தார்’ அல்லது ‘கொசு கடித்தார்’

(யாராவது கேட்டால் எல்லோருக்கும் மரியாதை கொடுக்கமாறு அப்பா சொன்னதை சொல்லவும்)

8.)இயல்பாக நடக்கும் விஷயங்களை சிறிது சுவாரசியமாக சொல்ல வேண்டும், எதுகை மோனை உடன் சிறிது மிகைப்படுத்தவும்.

உதாரணமாக,

‘நாய்கள் நடனமாடும் நடுநிசி நேரம்’

‘பசியில் பறந்த பன்றியை போல’

(முந்தய நாள் இரவு டி.ஆர் படம் பார்ப்பது உதவும்)

9.)பின்னால் வரப்போகும் பிரசனைகளை சந்திக்கும்போது ஒரு நண்பன் உடனிருந்தால் மிக சிறப்பு. படம் வரைந்து பாகங்களை குறித்து நேரத்தை வீணாக்க வேண்டாம். கொடுக்காபுலி கொண்டு வந்து ஒளித்து வைத்து தின்ற ஆருயிர் நண்பன் கோவால் இதற்கு கைகொடுப்பான். கோவால் கொடுத்த பிட்டில் படம் இல்லை என்ற குறிப்பு எழுதிவிடவும், மற்றவை தானாக நடக்கும்.

10)பக்கங்களுக்கு நம்பர் இட வேண்டாம், விடைத்தாளை கட்டுவதற்கு முன்னாள் பக்கங்களின் வரிசையை மாற்றிவிடவும்.

இதற்க்கு மேலும் பாசாகி தொலைத்துவிட்டால் மனம் தளரக் கூடாது. மைண்ட் வாய்ஸில் ஊமை விழிகள் படத்தில் வரும்

“தோல்வி நிலையென நினைத்தால் மனிதன் வாழ முடியுமா”

ஓடவிட்டுக் கொண்டு ஒரு வெறியோடு வீறுகொண்டு எழுவது போல ஒரு எஃபக்ட் உடன் பத்து முறை உட்கார்ந்து எந்திரிக்கவும், இது அடுத்த பரீட்சைக்கு தயாராக உத்வேகம் கொடுக்கும்.

கிரேக்க ராணுவ அணிவகுப்பு முறை (PHALANX)

750-350 கிமு

கிரேக்க நிலப்பரப்பு மலைபாங்காக இருந்த காரணத்தால் குதிரை படையின் உபயோகம் மிகவும் குறைவு, மேடு பள்ளமான குறுகிய நிலப்பரப்பில் காலாட்படையே வெற்றி தோழ்வியை தீர்மாணிக்கும். அதுமட்டுமின்றி கிரேக்க குதிரைகள் பெர்சிய ஜாதி குதிரைகள் போலன்றி மட்ட ரகம். இதன் விலை காரணமாக பணக்காரர்கள் மட்டுமே வைத்திருக்க முடிந்தது.

கிரேக்க HOPLITE வீரர்கள் பூரண வெண்கல கவசமணிந்து இடது கையில் கனமான எழிலிருந்து ஒன்பது அடி நீள கனமான குத்தீட்டியும் வலது கையில் வட்ட வடிவிலான கேடயத்துடன் இருப்பர். கேடயம் மரத்தால் செய்திருந்தாலும் அதன் மீது வெண்கல தகரம் வெய்ந்திருக்கும். கேடயத்தின் உட்புறம் தோலால் கை முட்டியிலும் உள்ளங்கையிலும் பிணைத்து இருக்கும்.

 

 

கேடயம் கையில் பிணைத்து இருப்பதால் சுமப்பதற்கு ஏதுவாக இருந்தாலும் வேகமாக அசைக்க முடியாது. இடதுபுறம் கேடயத்தால் பாதுகாக்கபடும் வலதுபுறம் பாதுகாப்பின்றி இருக்கும், இதனால் முறையான அணிவகுப்பு இவர்களின் போர் முறையில் இன்றியமையாதது.

PHALANX அணிவகுப்பு முறையில் எட்டிலிருந்து பதினாறு வரிசை வரை வீரர்கள் அணிவகுத்து நிற்பர். வரிசையில் இருக்கும் வீரர்கள் அனைவரும் நெருக்கமாகவும் ஒரே சீரான வேகத்திலும் முன்னேறுவர். இவர்களின் வேகத்தையும் அணிவகுப்பையும் குழல்கள் ஊதி சீர்படுத்தபடும். எதிரிகளை சந்திக்கும் தருவாயில் முதல் ஐந்து வரிசை வீரர்கள் தங்கள் குத்தீட்டியை கேடயத்தின் இடைவெளியில் வழியாக எதிரிகளை நோக்கி நீட்டுவர். பின்வரிசை வீரர்கள் முன்னாள் உள்ள வீரர்களை பலமாக உந்தி தள்ளுவர். எட்டு வரிசை கொண்ட படை இருபது வரிசை கொண்ட படையை சந்திக்கும் பொழுது வெற்றி இருபது வரிசை கொண்ட படையின் உந்து சக்தி தீர்மாணிக்கும், அதே சமயம் பின்வரிசை வீரர்களின் கையில் உள்ள ஈட்டியின் நீலம் அதிகமாக இருப்பின் அது ஒரே நேரத்தில் பல வீரர்கள் போரிடும் வாய்ப்பை கொடுக்கும்.

Phalanx அணிவகுப்பில் ஒவ்வொரு வரிசைக்கும் ஒரு தலைவர் மற்றும் பின்பகுதியில் ஒரு படைத்தலைவர்(ouragus) வரிசைகளை சீர்படுத்தி கொண்டு இருப்பர். இறுக்கமாக தங்கள் இடப்பக்கம் உள்ள வீரர்களை கேடயத்தால் பாதுகாத்து கொண்டே முன்னேறுவர், அப்பொழுது வலப்பக்க கடைசியில் உள்ள வீரர்கள் பாதுகாப்பு இன்றி இருப்பர். இதனால் முன்னேறும் பொழுது வலது பக்கமாக படை நகர்ந்து கொண்டே இருக்கும். எந்த படை முதலில் வரிசையை உடைக்கிறதோ அல்லது எதிரியின் வலது பக்கத்தை முதலில் அடைகிறதோ அதுவே வெற்றிபெறும். இந்த காரணத்தால் வலதுபுறம் உள்ள வீரர்கள் அதிக போர்த்திறன் வாய்ந்தவர்களாக இருப்பது மிகவும் முக்கியம்.

பணம் படைத்த யாரும் கவசம் மற்றும் இதர உபகரணங்களை வாங்கினால் படையில் சேர்ந்து கொள்ளலாம். போரில் பெரும் வெற்றி மற்றும் பெயரால் பிற்காலத்தில் அரசியல் ஆதாயம் தேடும் நோக்கில் படையில் சேர்ந்தனர். கிரேக்க தேசம் பல்வேறு தனி குறுநிலங்களாக பிரிந்து கிடந்தது, ஒன்றுடன் ஒன்று ஏதாவது ஒரு கரணத்திற்காக போரிட்டு கொண்டு இருந்தன. மக்களின் வாழ்வில் போர் ஒரு இயல்பான நிகல்வாகவே இருந்தது.

அண்ட்ரோமிடா (Andromeda)

நமது பால்வெளி மண்டலத்திற்கு பக்கத்துக்கு விட்டில் உள்ள மற்றொரு விண்மீன் திரள். வானியல் அளவின் படி ஒளியின் வேகத்தில் நீங்கள் சென்றால் இருபத்தி ஐந்து லட்சம் ஆண்டுகளில் இதனை அடைந்துவிடலாம்.  1923 ஆம் ஆண்டு Edwin Hubble நமது நட்சத்திர மண்டலம் போக ஆன்றோமிடா போன்ற எனைய திரள்களும் உள்ளன என்று தெளிவுற நிருபித்தார். இது வானியலில் ஒரு மிகப் பெரிய மைல்கல் எனலாம், நமது விண்மீன் கூட்டு போல பல நூறாயிரம் கோடி குடும்பங்கள் உள்ளன என்றும் அதில் எங்காவது உயிர் ஜனிப்பு இருக்கும் என்ற நம்பிக்கையை குப்பனுக்கும் சுப்பனுக்கும் விதைத்தது. (இந்த பெயரை எங்கோ கேட்டு இருக்கிறோம் என்று யோசிபவர்கள் விண்வெளியில் இயங்கும் ஹப்பிள் தொலைநோக்கி - Hubble Space Telescope பற்றி  ஞாபகம் கொள்ளவும், இதன் சரித்திரத்தை பின்னொரு நாளில் அலசுவோம்). இதனை  M31 என்றும் அழைப்பர், இதன் அருகில் M32 மற்றும் M110 என்ற இரண்டு சிறிய திரள்களும் உள்ளன, இவை அண்ட்ரோமிடாவுடன் ஒப்பிடுகையில் குள்ளர்கள் (Dwarf elliptical galaxies) எனலாம். இந்த மூன்று திரள்களையும் நாம் சாதாரண தொலைநோக்கி மூலம் காணலாம்.(நட்சதிரங்களை பார்க்கும் செய்முறை பற்றியும் iphone இல் இதற்காக உள்ள மென்பொருள் பற்றியும் பிறிதொரு மழை இல்லா தெளிந்த இரவில் பார்க்கலாம். அதுவரை இந்த வலைபக்கத்தை உங்கள் விருப்ப பக்கங்களில் போட்டு வையுங்கள்).

Andromeda(M31) galaxy

மேலே உள்ள புகைப்படம் ஒரு கத்துகுட்டி பதிவாளரால் எடுக்கப்பட்டது என்பது ஒரு ஆச்சர்யமான செய்தி. இதில் சிறு வெள்ளை புள்ளிகளாக குள்ள விண்மீன் திரள்களை காணலாம். ஆன்றோமிடாவின் மைய பகுதி சிரற்று இரு பக்கங்களில் விடைத்து காணபடுகின்றது, முறையே P1 மற்றும் P2 புள்ளிகளில். இதன் மையத்தில் நானூறுக்கும் மேற்பட்ட நீல நட்சத்திரங்கள் உருவாகியுள்ளன, இவை மணிக்கு இருபத்திரண்டு லட்சம் மைல் வேகத்தில் சுற்றுகின்றன. இதன் காரணமாக மையத்தில் மிக சக்தி வாய்ந்த ஒன்று அல்லது மேற்பட்ட கருந்துளைகள் இருக்கலாம் என்று கருதப்படுகிறது. எல்லா விண்மீன் திரளின் மத்தியிலும் கருந்துளை இருப்பதே அவைகளின் ஈர்ப்பு விசைக்கு காரணம் என்பது பொதுவான நம்பிக்கை.

பால்வெளி மண்டலம்

நமது பால்வெளி மண்டலத்துடன்  ஒப்பிடுகையில் அண்ட்ரோமிடா பரப்பளவில் மிகவும் பெரியது ஆனால் நட்சத்திரங்கள் மிகவும் அடர்த்தியாக இருப்பது பால்வெளியில் தான். 

கிரேக்க நெருப்பு (GREEK FIRE)

சாண்டில்யனின் நாவல்களில் இதனைப் பற்றி படித்திருப்பிர்கள்.

Madrid Skylitzes கையெழுத்துப்பிரதி

பதினேழாம் நூற்றாண்டின் மத்தியில் பய்சாந்தின்(Byzantine) கப்பற்படையில் உபயோகப்படுத்திய எரியூட்டுக் குண்டு (Incendiary Weapon). களினிகோஸ் (Kallinikos) என்ற எகிப்திய ஹிலியோபோலிஸ் (Heliopolis, Egypt) நகரை சேர்ந்த கட்டிடக்கலைஞரால் கான்ஸ்டான்டிநோபிள்(Constantinople) நகரில் கண்டுபிடிக்கபட்டது. கிரேக்க நெருப்பு பய்சாந்தின் ராஜ்ஜியத்தால் முகமதியர்களின்(Arab) படையெடுப்பை முறியடிக்க பயன்பட்டது. வரலாற்றாலர்களின் கூற்றுப்படி கிரேக்க நெருப்பை ஒற்றிய பயத்தால் எதிர் கப்பற்படைகள் பய்சாந்தினுடன் நேரடி மோதலில் ஈடுபடவில்லை, இதனால் இதன் பயன்பாடு மிகவும் குறைவாகவே தேவைப்பட்டது, கப்பல் மூழ்கிய பிறகும் நெருப்பு எரிந்ததால் இதனை பற்றிய ஒரு பீதி நிலவியது.

 

இதற்காக பயன்பபடுத்தப்பட்ட சூத்திரம் மற்றும் செய்முறை ராணுவ ரகசியமாக பாதுகாக்கப்பட்டது. இதன் செய்முறை பற்றிய சரியான விளக்கங்கள் எதுவும் இல்லை.

Leonarda Da Vinci-யின் குறிப்புக்களில் கிழ்வரும் செய்முறையை கண்டேன். இதனை மொழிபெயர்க்கும் பொழுது சாம்பிராணியின் ஆங்கில வார்த்தையை முதன் முதலாக படித்தேன்.

வில்லோ மரத்தின் கரித்துண்டுகள்,

வெடியுப்பு (Saltpetre, வெடிமருந்திலும் இறைச்சிக் காப்பிலும் மருந்துகளிலும் பயன்படும் வெண்படிக உப்பு.),

கந்தக அமிலம் (Sulphuric Acid)

கந்தகம் (Sulphur)

நிலக்கீல் (Pitch, சூட்டில் களியாயிளகும் கரும்பசைக் கட்டிப்பொருள்)

சாம்பிராணி (Frankincense)

கற்பூரம் (Camphor)

ஆட்டுரோமம்

மேற்குறிப்பிட்டுள்ள பொருட்களை கலந்து கொதிக்கவிட்டால் வரும் கலவை சுலபமாக பற்ற கூடியது, இதன் நெருப்பானது நீரின் அடியிலும் எரியும்.

பின்னர் அதனுடன் கிழ்வரும் பொருட்களை கலந்து காயவைக்கவும். அதனுடன் கூரான ஆணிகளை சேர்த்து பந்து போல உருட்டவும். அதன்மீது ஒரு சிறிய துளையிட்டு அதனுள் கந்தகம் மற்றும் மண்டித் தைலம்(Rosin) அடிக்கவும், இது பின்னர் திரி போல செயல்படும்.

மெருகெண்ணை (Varnish)

நிலக்கீலார்ந்த எண்ணை( Bituminous Oil)

கற்பூரத் தைலம் (Turpentine)

புளிக்காடி (Vinegar)

சிபோன்(Siphon) என்ற கருவி நெருப்பை எதிரி கப்பலின் மீது இறைக்க பயன்பட்டது. இதன் மாதிரி வடிவம் கிழ்வருமாறு.

கப்பலின் முன்பகுதியில் ஒரு உலையிட்டு அதன் மீது செம்பாலான ஒரு கொள்கலத்தில் கலவையை வைத்து அதன் அடியில் நெருபிடுவர். அது அழுத்தத்தில் பொங்கி வெண்கல குழாய் வழியாக எதிரில் உள்ள கப்பலில் பாயும்.

இதான் பயன்பாடு நபாள்ம்(Napalm) போன்றது. எந்த ஒரு வகை பெட்ரோலிய களிமமும் நபாள்ம் என்று அழைக்கப்படுகிறது, இது நவீன கால ராணுவத்தால் எரியூட்டு(Fire Thrower) ஆயுதமாக பயன்படுத்தப்படுகிறது.