காதலும் இதர வியாதிகளும்: Part I

இந்த பதிவு முழுக்க முழுக்க நகைச்சுவைக்காக எழுதப்பட்டது, நான் சந்தித்த மனிதர்களின் சாரல் இதில் இருக்கலாம் ஆனால் இது யார் மனதையும் புண்படுத்தும் நோக்கத்தில் எழுதபடவில்லை.

 

எப்பவும் போல ஒரு கரண்ட் கட் வேளையில் மல்லாக்க படுத்து கொண்டு ஓடாத டி‌வியை வெறித்து பார்த்து கொண்டு இருந்தேன். என்னுடன் அறையை பகிர்ந்த நண்பன் (கேட்டு கொண்டதற்கிணங்க பெயர் நீக்கப்பட்டது) பக்கத்து கட்டிலில் படுத்து கொண்டு துணைக்கு அதே டிவியை வெறித்து கொண்டு இருந்தான். இன்றைக்கு என்று பார்த்து மூளை குறுகுறுவென வேலை செய்து தொலைத்து “சே ஒரு கேர்ள் ஃப்ரெண்ட் இருந்தா இந்நேரம் எங்கயாச்சு போய் ஊரை சுத்திகிட்டு இருந்திருக்கலாம்” என்று புலம்பினான். எனது ஜாதகத்தில் உச்சத்தில் இருந்த சனி பகவான் அவன் நாவில் வந்து அமர்த்து கொண்டதை நான் அறியவில்லை.

முந்தய இரவு முழுவதும் அவன் சொன்னதை பற்றி யோசித்து கொண்டு இருந்த காரணத்தாலும் எனது ஜாதக கட்டங்கள் உந்தி தள்ளிய காரணத்தாலும் நேராக ஆபிஸ் ஜாக் ராஜூவின் முன்னாள் போய் நின்றேன். ராஜூவை பற்றிய ஒரு முன்கதை சுருக்கம் கண்டிப்பாக சொல்லியாக வேண்டும், என்னை போன்ற பேக்குகளுக்கு பெண்கள் விஷயத்தில் ஐடியா கொடுப்பதற்காகவே அவதரித்த ஆபத்பாந்தவன். பான் பராக் போட்டு துப்பிய எச்சில் நிறத்தில் தலைச்சாயம், பகுட்டில் பல்லி வால் போன்ற மெல்லிய தாடி, ஒற்றை நாடி உருவம், நல்ல சிகப்பு, தமிழ் சினிமாவில் ஹீரோவின் தங்கையை காதலித்து  கரெக்ட் செய்யும் வில்லனின் தம்பி கேரக்டர் போல இருப்பான். ரொம்ப நாளாக ஆபிஸ் வேலை எதையும் செய்யாமல் சினிமா சான்ஸ் தேடி கொண்டு இருப்பவன், தாய்மார்கள் அனைவருக்கும் முன்பே அறிமுகமானவன், “டூ விட்ட தங்கச்சி” சீரியலில் கடந்த பத்து வாரங்களாக ஹீரோவின் தங்கையை இழுத்து கொண்டு ஓடிக்கொண்டிருப்பது சாட்சாத் நம்ம ராஜு தான். அவனை அழைத்து சென்று டீ வாங்கி கொடுத்து எனது பிரச்சனையை விளக்கினேன்.

ராஜூவின் யோசனையை எல்லோரும் நாடி போக காரணம் அவனது தெளிவான அணுகுமுறை. எந்த அளவு தெளிவு என்றால், எந்த ஒரு விஷயத்தையும் ஒரு கணித கேள்வியை தீர்வு செய்வது போன்று சமன்பாடுகளுடன் விளக்குவான்.

ஒரு சின்ன காகிதத்தில் எனது வாழ்க்கை பாதையை 12B படத்தில் வருவது போல பின்வருமாறு விவரித்தான்.

IDEA I

            நீ         +    உஷா = கனவில் கூட நடக்காது

    (ஹைட் கம்மி,     (அரேபிய குதிரை

      வீக் பாடி,              போன்ற உடல்வாகு,

    மாநிறம், சுமார்)   சுண்டினால் சிவக்கும் நிறம்)

இவன் எனது நண்பன் தானா என்ற யோசனை வந்தது அதற்க்குள் என்னை பேச விடாமல் அடுத்த யோசனைக்கு தாவிவிட்டான்.

IDEA II

           நீ         +    ஆர்த்தி      +   X  = நடக்கலாம்

     (ஹைட் கம்மி,    (வசீகரமான கண்கள்

      வீக் பாடி,               லட்சணமான முகம்,

     மாநிறம், சுமார்)     சிகப்பு)

இதில் X  ஒரு CATALYST அதன் முழு விவரம் இந்த பதிவில் அடங்காத காரணத்தால் முக்கிய புள்ளிகள் மட்டும் கீழ்வருமாறு

1.)     ஆறு மாத கடுமையான உடற்பயிற்சி

2.)     தெலுங்கு பட நாயகன் போல அடிக்கும் நிறத்தில் உடைகள்

3.)     SANTRO அல்லது I10

4.)     கூர்முனை தலைமயிர்(spike)

அவனிடம் நான் ஒரு பிறவி சோம்பேறி என்பதையும் எனது நிறத்திற்க்கு சிகப்பு சட்டை மற்றும் spike பொருத்தமாக இராது என்பதை மிக பொறுமையாக விளக்கி அடுத்த ஆலோசனைக்கு செல்லுமாறு கூறினேன்.

IDEA III

           நீ         +    வாணி         = உடனே காதல்

     (ஹைட் கம்மி,    (நவ நாகரீக உடை,

      வீக் பாடி,              ஒற்றைநாடி உருவம்,

     மாநிறம், சுமார்)   மாநிறம், சுமார்)

நான் தயக்கத்தோடு யோசிப்பதை பார்த்துவிட்டு மீண்டும் எனது குறைகளை அடுக்கி நீண்ட பட்டியல் போட்டு என்னை கடுப்பேற்றினான். நான் முறைப்பதை பார்த்துவிட்டு நிலவரத்தை விளக்கினான், வாணி தற்சமயம் அவளது முந்தய பாய் ஃப்ரெண்ட் உடன் இருந்து பிரிந்து விட்டதால் வேறு யாரும் முந்தி கொள்வதற்க்கு முன்னாள் நான் களமிறங்கும் அவசியத்தை எடுத்து கூறியதோடு அன்றி என்னை தரதரவென இழுத்து சென்று அவளிடம் அறிமுகம் செய்தான். அவளும் ரொம்ப நாள் பழகியது போல சகஜமாக காபி சாப்பிட அழைத்தாள், நானும் பின்னால் வரும் இடியாப்ப சிக்கல்களை உணராமல் கிளம்பினேன்.

                                                       - தொடரும் 

தூக்கத்தில் தேடுகிறேன்

உளறல் போல இருந்தது !!

கனவுகள் இல்லா பின்னிரவில்

எதுவும் நிகழவில்லை

எனக்குள் நான் பேசிய ஒலியில்

விழிக்கிறேன்

உளறல் போல இருந்தது

வருடமொன்று  ஆகியும்

வலியினுள்ளே தொட்ட

விரலில் ஈரம்

தெரிந்த இடத்தில்

தொலைந்த நண்பன்

கால்புதையும் கடற்கரையில்

கரைந்த கனவுகள்

பாதி கண்களை மூடி யோசித்தேன்

விண்மீன் பக்க காற்றில்

சுவாசம் எப்படி ?

கேட்டிராத வான்மொழி கேள்விகளின்

நிழலில் ஒளிந்திருக்கலாமோ ?

சாய்ந்த மரமொன்றின் சருகுகள்

மீது நடந்தேன்

தள்ளி கேட்கும் காலடித்தடத்தின்

எதிரொலியாக இருக்குமோ ?

அருவமான அழகிகளின் முடிவில்லா

முத்தங்களிலா ?

தெரியாத இடைவெளி உந்தி

தள்ளி விட்டது

உள்ளுயிற்புடன் திரும்பி நடந்தேன்

கால்தட்டியது வாழ்க்கை

விதிர்த்து வீழ்ந்து கண்விழித்தேன்

காலநேரமின்றி கதையடிக்க பக்கத்தில்

இடம் போட்டு வைத்திருப்பான்

தள்ளி செல்லுங்கள் திரும்ப தூக்கத்தில்

தேடி பார்க்க வேண்டும்

உயிரினிசை ஒலிக்கும் வரை

தேடல் தொடரும் ...

                                   -  சிவா

Devil's English -Tamil Dictionary - Alphabet B

BABY	(நபருக்கு நபர் மாறுபடும்)  சர்வ ஜாக்கிரதையாக கையாள வேண்டிய கொடிய மிருகம், நமது மனதை படித்து பின்னர் அதை நமக்கு எதிராக பயன்படுத்த வல்லது, சதா ஓலமிட்டு தூக்கத்தை கெடுக்கும் ஜந்து, யாராவது தூக்கும் வரை காத்திருந்து அவர்கள் மேல் சிறுநீர் கழிக்கும் துஷ்டன்/துஷ்டி, ஆதாரம், விபத்து.
BACHELOR	வாடகைக்கு வீடு கிடைக்காத அப்பாவிகள்.
BANKRUPT	மனைவியின் வங்கி கணக்கில் சேமிப்பு/இருப்பு செய்யும் பெண்ணுரிமை போற்றும் புரட்சி சிந்தனை கொண்டவர்.
BAR	புதிய சிந்தனைகள் உருவாகும் உலை களம், வாள்கள் தீட்டப்படும் பட்டறை, சமுதாயத்தை வழி நடத்தும் சமச்சீர் கல்விசாலை
BARTENDER	நேரம் ஆகிறது வீட்டுக்கு போங்க என்று அக்கறையோடு சொல்லும் நண்பர்.
BATH	நாம் செய்யாதது
BATHROOM	நமக்கு தேவையில்லாதது
BEAUTY PARLOUR	வாழ்க்கை முழுவதும் முயன்றும் மாற்ற முடியாத முகத்தை மூன்று மாத பயிற்சி முடித்தவரிடம் மாற்ற சொல்லி ஒப்படைக்கும் இடம்
BELT	தொப்பையை பிதுக்கி மலச்சிக்கல் போக்கும் கட்டு, புனிதமான மாடுகளின் தோலில் தயாரிக்கப்படுவது, இதை மிக அழுத்தமாக அணிந்திருப்பவரின் பின்னால் நிற்பதை தவிர்க்கவும் மிக வேகமாக காற்றை பிரிக்கும் வல்லமை கொண்டவர்கள்.
BEER	இன்றய இளைஞர்களின் இளந்தொந்தி இரகசியம்.
BEGGAR	புரட்சிகரமான பொருளாதார கொள்கையால் பணமுறை சுதந்திரம் அடைந்தவர்
BIGAMIST	திரும்ப திரும்ப அதே தப்பை செய்யும் முட்டாள்
BLACKGUARD	கருப்பான செக்யூரிட்டி
BORE/BLADE	இவ்வளவு கஷ்டப்பட்டு உசுர குடுத்து பதிவு போடுற நான்தான் ஸார்
BRAIN	நமக்கு இல்லாதது
BRIDE	ஆட்டை வெட்டுபவர் அல்லது புதிதாக அடிமை வாங்கியவர்.
BRIDEGROOM	பலிகடா அல்லது அடிமை சந்தையில் விற்கபடும் நபர்.
BROKER	நம்மிடம் பணம் பெற்று கொண்டு நம் வாழ்வை நாசமாக்கும் மோசதாரி, இப்பத்த ரேட் வரதட்சணையில் 10% , நீங்க வரதட்சணை வாங்கவில்லை என்றால் உங்களுக்கு இந்த ஜென்மத்தில் கல்யாண பிராப்தம் இல்லை
BUDGET	நாம் கடன் வாங்கியவர் முகவரி மற்றும் அவர்களிடம் மாட்டி கொள்ளாமல் பயணம் செய்ய வழிகாட்டும் வரைபடம்.
BUFFET	ஃபுல் மீல்ஸ் அல்லது அன்லிமிடெட் மீல்ஸ்
BUSY	(நபருக்கு நபர் மாறுபடும்) முதலாளி வரும் பொழுது தொழிலாளி இந்த நிலையில் இருப்பார், சாக்கு, இளுத்தடிப்பது, தொடங்கிய வேலையை முடிக்க முடியாமல் முழிக்கும் கையாலாகாத்தனம்.
BUSINESS	மேற்கூறிய தொழிலாளியை வைத்து வேலை வாங்கி நாசமாய் போக விந்தையான ஒரு யுக்தி.

TIME TRAVEL சாத்தியமா - PART IV (PARADOXES)

இந்த பகுதி டைம் டிராவல் செய்ய முடிந்தால் அதனால் என்ன முரண்பாடுகள் எழலாம் என்பது பற்றிய ஒரு பார்வை.

1. நான் டைம் மெஷினில் ஏறி எண்பது வருடம் பின்னாள் போய் என் தாத்தாவை தேடி கண்டுபிடித்து கொலை செய்தால் என்னவாகும். (அவர நான் பார்தது கூட கிடையாது எங்க அப்பா பிறந்ததுக்கு காரணம்கிற ஒன்ன தவிர எனக்கும் அவருக்கும் எந்த பிரச்சினையும் கிடையாது !!!)
2. இருபது வருடம் பின்னாள் போய் இளைய உங்களை பார்த்து நீச்சல் தெரிந்திருப்பதின் முக்கியத்துவத்தை எடுத்து கூறி கற்றுக்கொள்ள சொல்கிறீர்கள். அதை கேட்டு உங்களின் இளவயது பிரதி நீச்சல் கற்றுக்கொள்கிறான். அவனுக்கு பத்து வருடம் கழித்து டைம் மெஷின் கிடைத்தாலும் டைம் டிராவல் பண்ணி போய் நீச்சல் பற்றி சொல்லணும் என்கிற அவசியம் இல்லை ஏனெனில் உங்களுக்கு தான் நீச்சல் முன்பே தெரியுமே. (அப்படி நீங்க சொல்லாட்டி உங்ககிட்ட பத்து வருஷம் முன்னாடி நீச்சல் கத்துக்க சொன்னது யாரு!!! அப்படி யாருமே சொல்லாட்டி நீங்க ஏன் நீச்சல் கத்துகிட்டீங்க!!! உங்களுக்கு நீச்சல் தெரியுமா தெரியாதா ?!!! )
3. நீங்கள் பத்து வருடம் பின்னாள் போய் உங்களிடம் நீங்களே ஆயிரம் ருபாய் கொடுத்து நீச்சல் பழகிக்கொள் என பணித்து திரும்பி நிகல் காலத்திற்க்கு வந்து கிணற்றில் குதிக்கறிர்கள். (ஆனா அந்த விளங்காத பய -அட உங்கள தான் ஆயிரம் ருபாய வாங்கிட்டு நேரா சரக்கு அடிக்க போயிட்டா??? வேற என்ன சங்கு தான் ஊஉ......... !!!!!!!!!)
4. நமது அன்பு தோழர் ஆனந்த் முதல் பகுதியில் கிணற்றை காணவில்லை டைம் டிராவல் செய்து கண்டுபிடித்து தருமாறு பின்னூட்டு செய்து இருந்தார். ஒரு உதாரணத்திற்கு அவர் கிணற்றை தேடி டைம் டிராவல் செய்து கடந்த காலத்திற்கு போய் சரியாக கிணறு இருந்த இடத்திலேயே இறங்கினால் என்ன ஆகும் (முந்தய பத்தியில் கடைசி வரியை படிக்கவும்).
5. இருப்பதிலேயே குழப்பமான முரண்பாடு இதுதான் கூர்ந்து கவனிக்கவும். நீங்கள் ஐந்து நிமிடம் எதிர்காலத்திற்கு பயணம் செய்து உங்களின் எதிர்கால உருவத்தின் மூக்கின் மேல் ஓங்கி குத்துகிறீர்கள். உடன் உங்களின் எதிர்கால பிம்பம் நிகல்கால உங்களை பதிலுக்கு குத்துகின்றது. இந்த செயல்கள் நடப்பதற்க்கு ஐந்து நிமிடம் ஆகின்றது, முதல் வரியின் படி கடந்தகாலத்தில் இருந்து நீங்கள் டைம் டிராவல் செய்து வந்து நிகல்கால உங்களை குத்துகிறீர்கள், உடன் கடந்த கால நீங்கள் நிகல்காலத்தை பதிலுக்கு குத்துகிறீர்கள். வலியில் கண்ணை மூடி திறந்து பார்த்தால் எதிரில் குத்துவதற்க்கு தயாராக நீங்கள் நின்று கொண்டு உள்ளிர்கள், மறுபிடியும் ஐந்து நிமிடம் ஆகிவிட்டது. இதன் முடிவு தான் என்ன (குத்து வாங்கி வாங்கி உடம்பில் உள்ள தக்காளி சட்னி எல்லாம் சிந்தி , முந்தய பத்திக்கு முந்தய பத்தியில் கடைசி வரியை படிக்கவும்).
6. டைம் டிராவல் செய்வதில் முக்கியமான அம்சம் ஒளியின் வேகத்தில் செல்வது. ஒளி வேகத்தில் செல்வது மனித மூளை மற்றும் கண்களால் உணர முடியாத அளவு. ஏதேனும் ஒரு திட பொருள் நாம் செல்லும் பாதையில் இருந்தால் ( ஆத்தா ஒளி வேகத்துல போறேன் யாரும் குறுக்க வராம நீதான் பாத்துக்கணும் அப்படின்னு வேண்டிட்டு புறப்பட வேண்டியது தான், மீறி யாராவது குறுக்க வந்தா வேற என்ன முந்தய பத்திக்கு முந்தய பத்திக்கு முந்தய பத்தியில் கடைசி வரியை படிக்கவும்).
7. எண்களை குளறுபடியாக உள்ளீடு செய்து டைம் மெஷின் தவறாக உயிரின் மூலம் ஜனித்த காலத்திற்க்கு முன் சென்று விட்டால் என்னவாகும் (முந்தய பத்திக்கு முந்தய பத்திக்கு முந்தய பத்திக்கு முந்தய பத்தியில் கடைசி வரியை படிக்கவும்).
8. எதிர்காலம் என்பது நாம் தீர்மானிப்பது, இன்னும் நிகலாத ஒன்று. அறிவியலின் படி விதி என்று ஒன்று இல்லாவிடில் இன்னும் நடக்கவே இல்லாத ஒரு செயலுக்கு எப்படி செல்வது.

 

இந்த முரண்பாடுகளுக்கு பதில் CHAOS மற்றும் ANTHROPIC கோட்பாடுகளை கலந்து யோசித்து பார்த்தால் நீங்கள் கடந்த காலத்திற்க்கு சென்று உங்கள் தாத்தாவை கொல்வது ஏற்கனவே முடிவான ஒன்று. ஆனால் உங்களுக்கு தெரியாத விஷயம் உமது பெற்றோர் உம்மை பொள்ளாச்சி சந்தையில் தவிடிற்க்கு வாங்கியது, உங்களுடைய தாத்தா உண்மையில் உங்கள் தாத்தவே இல்லை.

இன்னொரு பதில் நீங்கள் உங்கள் தாத்தாவை கொல்லும் பொழுது ஒரு PARALLEL UNIVERSE உருவாகிவிடும். ஒரு பரிமாணத்தில் நீங்கள் இருப்பீர்கள் இன்னொன்றில் நீங்கள் பிறக்கவே போவது இல்லை. ஏனெனில் அந்த பரிமாணத்தில் உள்ள உங்கள் தாத்தாவை கொன்றுவிட்டீர்கள்.

இன்னும் பல பதில்கள் இருந்தாலும் சரியான ஒன்றை காலம் தான் சொல்லும். அதுவரை டைம் டிராவல் செய்ய முடிந்தால் என்னவெல்லாம் செய்யலாம் என்று கற்பனை குதிரையை தட்டி விடலாம்.

           

                        - முற்றும் -